|
26.04.25
ՎԱՅՔ ՀԱՄԱՅՆՔԻ ՂԵԿԱՎԱՐ ՄԽԻԹԱՐ ՄԱԹԵՎՈՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ՝ ՀՀ ՔԱՂԱՔԱՑՈՒ ՕՐՎԱ ԿԱՊԱԿՑՈՒԹՅԱՄԲ
|
|
Հարգելի՛ Վայք համայնքի քաղաքացիներ։ Այսօր Հայաստանի Հանրապետությունը նշում է քաղաքացու օրը։ Մեր երկրի ամենաթանկն ու կարևորը դուք եք՝ Հայաստանի Հանրապետության քաղաքացիներդ։ Ձեր նվիրված աշխատանքով, եռանդով ու հայրենասիրությամբ է կերտվում մեր հայրենիքի ներկան ու ապագան։Մենք միասին ենք ստեղծում մեր համայնքի բարօրության և զարգացման ուղին` հաղթահարելով բազում դժվարություններ։Թող այս օրը լինի մի առիթ` ևս մեկ անգամ գնահատելու մեր քաղաքացիական պատասխանատվության կարևորությունը, մեր իրավունքներն ու պարտականությունները։ Միասին կառուցենք ավելի լուսավոր ու բարեկեցիկ Հայաստան, հզոր ու զարգացած Վայք։Սրտանց մաղթում եմ ձեզ քաջառողջություն, երջանկություն և ամենայն բարիք։ Թող խաղաղությունն ու համերաշխությունը ...
Մանրամասն |
|
|
22.04.25
ԱՊՐԻԼԻ 24
|
Վայք համայնքի հարգելի բնակիչներ Ապրիլի 24–ին՝ ժամը 10։00–ին, Վայք քաղաքի հրապարակից համայնքի ղեկավար Մ․ Մաթևոսյանի ուղեկցությամբ երթով շարժվելու ենք դեպի Մեծ Եղեռնի զոհերի հուշարձան՝ հարգանքի տուրք մատուցելու մեր հայրենակիցների հիշատակին։ Վայքի Մշակույթի տանը տեղի կունենա միջոցառում՝ նվիրված Մեծ Եղեռնի զոհերի հիշատակին։ Հավերժ փառք մեր հայրենակից բոլոր սրբադասված նահատակներին:  |
|
|
22.04.25
ՀՀ ՔԱՂԱՔԱՑՈՒ ՕՐ
|
Վայք համայնքի հարգելի քաղաքացիներ Ապրիլի 26֊ին՝ ժամը 17։00–ին, Վայքի Մշակույթի տան մեծ դահլիճում տեղի է ունենալու միջոցառում – համերգային ծրագիր՝ նվիրված Քաղաքացու օրվան։ |
|
|
18.04.25
ՑՈՒՑԱՀԱՆԴԵՍ–ՎԱՃԱՌՔ
|
Վայք համայնքի հարգելի բնակիչներ Տեղեկացնում ենք, որ Վայոց ձորի մարզի Եղեգնաձոր և Ջերմուկ համայնքներում տեղի է ունենալու իրանական մշակույթի ցուցահանդես-վաճառք: Եղեգնաձոր քաղաքի ամֆիթատրոնում մայիսի 3-ին՝ ժամը 13:00-ին։ Ջերմուկ քաղաքի ըմպելասրահի հարակից տարածքում մայիսի 4-ին՝ ժամը 13:00-ին: |
|
|
17.04.25
ՍՈՒՐԲ ԶԱՏԻԿ 2025
|
Վայք համայնքի հարգելի բնակիչներ Հիսուս Քրիստոսի հրաշափառ Հարության տոնը, որը կոչվում է նաև Զատիկ, Հայ Առաքելական Ս. Եկեղեցու 5 տաղավար տոներից մեկն է: Այս տարի, Սուրբ Հարության տոնին նախընթաց՝ ապրիլի 19-ին ժամը 17:30–ին Վայքի Սուրբ Տրդատ եկեղեցում մատուցվելու է Ճրագալույցի Սուրբ պատարագ։ Ապրիլի 20-ին՝ Զատիկի տոնի առավոտյան ժամը 10։00–ին մատուցվելու է Ս. Պատարագ, որին հաջորդելու են Զատկի տոնակատարությունները։ Տեղեկացնում ենք, որ ապրիլի 20–ին՝ Վայքի հրապարակի կանգառից ժամը 09։30–ից գործելու է երթուղային տրանսպորտ դեպի Սուրբ Տրդատ եկեղեցի և հակառակ ուղղությունով։ |
|
|
15.04.25
ՀԱՄԱՊԵՏԱԿԱՆ ՇԱԲԱԹՕՐՅԱԿ
|
|
Վայք համայնքի հարգելի բնակիչներ
Մայիսի 3–ին հայտարարված է համապետական շաբաթօրյակ։ Շաբաթօրյակին կմասնակցեն համայնքապետարանի աշխատակազմը, համայնքապետարանի ենթակայության ՀՈԱԿ-ները, դպրոցները։
Ակնկալում ենք Վայք համայնքում տնտեսվարող սուբյեկտների, կազմակերպությունների, քաղաքացիների ակտիվ մասնակցությունը։
|
|
|
14.04.25
ԾԱՂԿԱԶԱՐԴԸ ՎԱՅՔԻ ՍՈՒՐԲ ՏՐԴԱՏ
|
|
Ապրիլի 13–ին Հայ Առաքելական եկեղեցին նշում է Ծաղկազարդը, որը խորհրդանշում է Հիսուս Քրիստոսի հաղթական մուտքը Երուսաղեմ: Ծաղկազարդը հռչակվել է նաև որպես մանուկների օրհնության օր, քանի որ Տիրոջ՝ Երուսաղեմի տաճար մտնելու ժամանակ մանուկներն աղաղակում էին՝ ասելով. «Օրհնությո՜ւն Դավթի որդուն»
Ըստ Եկեղեցու հայրերի՝ Հիսուսի առջև հանդերձներ փռելը խորհրդանշում է մեղքերը Քրիստոսին խոստովանելը: Ձիթենու ու արմավենու ճյուղերի շնորհումն առանձնակի պատիվ էր: Ձիթենին ընկալվել է որպես իմաստության, խաղաղության, հաղթանակի ու փառքի խորհրդանիշ: Արմավենու ճյուղերը կարծես մեր ընծաներն են Տիրոջը:
|
|
|
11.04.25
ՆՎԻՐԱԲԵՐՈՒԹՅՈՒՆ ԽՆՁՈՐՈՒՏ ԲՆԱԿԱՎԱՅՐԻ ՋՐԱԳԾԻ ՀԻՄՆԱՆՈՐՈԳՄԱՆ ՀԱՄԱՐ
|
|
«Նայթս օֆ Վարդան Ինք» ընկերությունը ի դեմս Ավագ Սպարապետ Հունան Արշակյանի, Վայք համայնքի սահմանամերձ Խնձորուտ բնակավայրի խմելու ջրագծի հիմնանորոգման աշխատանքների համար նվիրաբերել է F110 տրամաչափի 1500 մետր խողովակաշար։
|
|
| 1 2 3 4 5 6 7 |